اقتباس:
المشاركة الأصلية كتبت بواسطة نجم الإبداع
مني سلام الله على اصحاب الامثال=الي لهم بالشعر والعرف طاله
الي ليامن صاغوّ القاف يختال= يشوق عين الناظر ين ارتجاله
اهل القلوب الصافيه واهل الارحال=ابداعهم معروف بالناس جاله
لن طالت الطرقه مشو دون منزال=مايكتبون الا حروف الجزاله
متفحصين القول وان زل حلال =بالكلمه الحسنى يردون قاله
الي الوفاء فيهم ويوفون مكيال = مايزعلو وان ظل راعي الجهاله
فكرن عريب الجد والعم والخال =واليا تكلم مامدح في خلاله
حسه شبيه الكهرمان وكرستال=صافي السريره سارحن في خياله
لالامس الكلمه زهت ساع الارسال=متناسق المعنى وعذب الرساله
يرسم حروف الشعر في كل الاشكال=صوره بهيه تجذب الفكر طاله
اليا تكلم شهد بين احرفه سال=واليا تباهى بالجمال انحنى له
هذا هو الفكر الذي هز الاجيال= نقض القوافي دام بان اختلاله
ودي بشاعر مارغى تحت الاحمال=او شاعره تبحر وفيها بساله
على القوافي والعدد مثل سلسال=تشبه لعين القطر لاجت مساله
يوصف جمال الحب في قلب رجال=والا تبيّن للهوى كل حاله
والي يسلم لاوصل يدرس الحال = ويقيس قبل الغطس قوّة حباله
فان كان له نيه يواصل ويجتال= وكل شاعر محترف في مجاله
شرقه وغربه سارّ وجنوبه شمال=والي يوافي طاب عندي وصاله
|
اهلا بمن القى سلام وبعد قال = ابيوت شعر وافيه مع جزاله
اهلا هلابه عد مازايلٍ زال = واعداد براقٍ سرى باشتعاله
من صاحب ٍ لي من قديمٍ ولازال= يعجبني منهاجه اذا جى مجاله
جاب البيوت اللي بها حسن وجزال = ماسكّها الصراف فوق المحاله
وذي فرصة ماتنتفوت يارجال = افرح بها في طلتك والمقاله
جبت البيوت اللي خفيه بالهوال= وتركتها واقفيت على عجاله
هي مبهمه والناس بالقول تحتال = ماسقتها بالعين لشخص لحاله
وانا وغيري من كثيرين الاعوال= الطيب منهجنا ونقنص مجاله
اعرف رفيقي كان بالشرق نزال = واليوم من جده يردد اقواله
اعرف رفيقي دوم يبحث من المال = من كثر مايبحث حالته حاله
باقولها والناس نازل ورحال = كلمة وفى مني لراعي الشكاله
قوله ينومسني ويطرب لي البال= اعرف مغازي هرجته والحياله
وده يقول ان الهوا دوم غربال= من طاح في حب الغزل عزتاله
ان عيّن المقصود لوينقد ريال = وان مالقاه يهوم مرتاح باله
فلاح شاعر حب وتشل الاثقال = والشاهد اللي بالتذاكر عناله
ان كان ودك بالمجارى ولو طال = حنا لها شرق وجنوب وشماله
واصل ترى الرحله طويله والاعمال = والعالم الله كل رجل وعماله
هذا جوابي والنشاما على البال = كلً بمقدوره ومن طيب فاله