[الطائر المهاجر]

قالوا علامك ما توضح بالاشعار = اللي بقلبك من همومٍ دفينه
قلت البلا كثرة همومي والافكار= اصرخ بصمتٍ خايفٍ من ضغينه
مثلي مثل غيري من رجالٍ كثار= ممن يحسوا بالقهر والغبينه
مما يشوفوا في قناوات الاخبار = من موج عالي في طريق السفينه
والارض في زلزال من غير انذار= والسوس ينخر بالجذوع المتينه
والذيب والشيهان والهرش وحوار= ترفع قضيه ضدها مستكينه
ويحكم عليها بانها ضمن الاشرار= لابد تستاصل من ارض ومدينه
فالوقت وقت العزف بالطبل والطار= ومن لاعرف له ضايعاتٍ سنينه
ماعاد ندري الجو غيمه من غبار= وكلٍ يشوف وقاصراتٍ يدينه
يالله بنوٍ يغسل هموم واكدار= يفرح قلوبٍ من زمنها حزينه
وينصر هل التوحيد من قلب لا شعار= ويمحي النفاق ومن يتاجر بدينه