[احمد الكثيري]

السلام عليكم
كل عام والجميع بخير انتهى العيد
ولكن مراسم العيد وفرحته لم تنتهي من قلوبنا
وهذه المتواضعه كتبتها بفرحة العيد امل ان تحوز على رضاكم

انشودة العيد عندي شوفة عيونـك=لعلي اطرب بها روحـي واسليهـا
انشودة العيد اشوفك وانت بفنونـك=تشبه لنجمه جميله فـي مساريهـا
لا واهني الـذي حولـك يشوفونـك=في كل صبح ومساء وخطاك قاريها
لا واهني من نظر ساعه في جفنونك=لوكان باغلى ثمن كسبان شاريهـا
ما شفت بين الخلايق من يظاهونك=فيك الحلا و الطبايع مـن يجاريهـا
ياليتني شعرة تنزل علـى متونـك=لاجيت بالمسـك والعنبـر تداريهـا
لاياحياة الكثيـري خفـف طعونـك=من عام الاول وفي قلبي مواريهـا
لاتحسب اني اعيش اليوم من دونك=الروح بعدك ترى كثـرت طواريهـا
افز واقف الى مـن جـو ينادونـك=اذكرك ياديـرة عشنـا بحواريهـا