لا تلعبي بالنار تحرق يدينك = وتبعدك عن حب يعزك ويغليك
لاتلعبي بالنار بيني وبينك = عهد كتبنا في المحبه على يديك
اخاف انا غيرتك تعمي يقينك= واخاف من قلبي بشكك يجازيك
ما نيب عصفور تصيده يمينك=وترميه في شبك يحفظه ويلهيك
خايف عليك الشك يحرق سنينك= واخاف كاس الصبر يطفح ويرميك
حاولت انا اثنيك عما يشينك = واثرك قوي الباس والشك يعميك
اخذت بعض الهرج من حاسدينك=وشوهت حبي والعواذل تغذيك
وانا عرفت اللي بشره يعينك= ماهوب حب لك ترى ما يدانيك
ناس طبايعها تبي ما يدينك = تطعن بظهرك لو بضحكه تلاقيك
ياواثقٍ باللي يغرف لكنينك= منهو حكى لك في النهايه حكى فيك