[عبدالله السويلم]

نجم=
اشوف القثمي الليله يرحب ثم يذبح فار=لعبدالله الشويمان اللذي شاله بحافرها
وانا يومي لقيته يعزم الشعار دون اخطار=لفيت انا وعبدالله بديرة بدو خابرها
السويلم=
تكلم يابو محمد وعلمني وش اللي صار = بيوتن جبتها يلزمك ذا الليله تفسرها
انا بنصحك لاتفتح عليك اليوم باب النار = علاقاتك مع العالم تركد لا تدمرها
نجم=
عيونك شافت اللي صار يوم الليل عاد نهار=ومن ربى اليتيم ايعرْف ناسه من مظاهرها
انا ماخاف من قول الحقيقه للعباد جهار= ومن سوى لنا الطبخه لزوم انه يبهرها
السويلم=
الى من شفت وسط الشات بين الحاضرين غبار = تجود في ذلولك يالخوي وانقز بغاربها
انا ماعلمك ياصاحبي واته ولد منشار =ولكن لاتطيع النفس وتلبي مأربها
نجم=
اشوف الحاشي اللي قام يهدر بعد كان حوار=ولا مني نوبته مات حيله في مضاربها
انا راكب ظهور الخيل واحذر سيفي البتار=خيول الازد تصهل وانت ماتقوى تحاربها
السويلم=
ترانا كلنا ربع وحبايب داخل المضمار =سيوفك يارفيقي في ربوعك لاتجربها
يجي يومن تعذر حينها ماتنفع الاعذار = وانا ظنك يابومحمد تبي تقرا عقاربها
نجم=
انا ماباري الا الشاعر اللي يوزن المعيار=ومن غير حروف القافيه وش له يكاربها
على الغارب يجي الهارب ولا تهرب ولا تنهار=تحرم بالمنيمس لاصفت لك في مشاربها