[الطائر المهاجر]

لا صرت لا شيخٍ ولا عبد للشيخ= ولا تابعٍ له ماشيٍ في ظلاله
ولا طبيب يمص دم المصاليخ = ولا انته ثريٍ ماعرف اصل ماله
ولاّ حرامي ما خشى أي توبيخ = او مرتشي ماخاف ناتج فعاله
تتعب بوقتٍ فيه الاخلاص تاريخ = وحتى الأمانه والوفاء به محاله
فاللي ضميره حي ماداس توصيخ=يحسب حساب ليوم يبدا ارتحاله
قانع برزقه ما انحنى لأي زرنيخ= يمد رجله ما تعدى مجاله
ما كل ما يبغاه يشري بتبذيخ = يبقى عزيز دام يمسك رياله
ينظر لمن قبله رحل بعد ترسيخ= وخلا الثراء والعز لمن لاسعى له
يدري بهالدنيا جسر فيه تفخيخ= ياسرع ما يهوي بليا مهاله
يعيش فيها حر ماهوب بالذيخ = اللي لاجل دنياه عاش بنذاله
الله خلقنا احرار باجمل تناسيخ= نعبده وحده ما ندور بداله
ومن يخضع لغيره بذله وتنويخ= يموت عبد ولو جبالٍ حلاله