ياذا الحمام اللى بصوته
تزجل ..
هيجت قلبي ياحمااام
المزاجيل ..
ويالراعبي ياللي بشعره
ترجل ..
واشتدد حنجوره بعذب
المواويل ..
خلعت قلبي يالحمااام
المحجل ..
وذكرتني بأم الحلق
والخلاخيل ..
ام الهدب والطرف يلي
توجل ..
كيف المهات اللي علا طارف
السيل ..
لاحدها القناص من كل
جدول ..
صارت تبااااري للعيون
المخاتيل ..
والجادل اللي فوق متنه
تعشكل ..
كلكل ظلامه كيف ماكلل
الليل ..
ليلي قصير وليت هو
ماتعجل ..
مادام طيفه يحتريني علا
ليل ..
سهران انا وسهيل والنجم
لول ..
نسمع حكااااوي للقمر
والقناديل ..
واكتب انا شعري وشعري
مجزل ..
مثل الركوم اللي سحبها
مهاميل ..
والشعرلا من صار جزلن
تسجل ..
بالذاكره يقراه جيلن ورا
جيل ..
حرف الحرف لاجاك عذبن
تبجل ..
وسارت حروفه في مدي
نجمة سهيل
قلبي من اسباااب المحبه
تبهذل ..
ياسعيد والدنيااا ترااااها
بهاذيل ..
يالغافري ياصاحبي قم
تجمل ..
واسعف رفيقك يارفيق
المداخيل ..
خذلي بثااري من بدمي
تحلل ..
واصبحت في حبه شرات
المقاتيل ..
ولولا الهوى يالغااافري
ماتمثل ..
مثلي ومثلك في غرااام
الشهاليل ..