هلا باللي رجوعه
هلا بللي رجـوعه ينعش الخاطر ويحييني = هلا بك عد ما الحجاج في مكه يلبّونه
هلا بك عد ما جرح الفراق المر يضنيني= هلا بك عد ما طفلٍ يتيمٍ هلت عيونه
انا من بعد ما سافرت والهوجاس يطويني = ابات الليل في حيرة اخاف الوقت وشطونه
اخاف من القـدر ساعة على غفله يفاجيني = ويطعن قلبي الواهن بصدمه تحيي طعونه
حبيبي فرقتك صعبة على روحي وتكويني= ولـو حاولت مهما كان قلبي باح مكنونه
يقول الصبر ما طيقه ولـو حاولت ترضيني = انا مقـدر على فرقـاه روحي فيه مرهونه
تعــال اقرب اسولف لك وسولف لي وسليني = نناجي الليـل والقمرى على نغمات موزونه
نغني في الهـوى ساعـة تنسيك وتنسيني = هموم الوقت والساعة نحـرر نفس مسجونه
ترى الأيـام خدّاعة ولـو تضحك بتغريني = ونا المفجوع من دهره يشيل الجرح وحزونه
وانا الإنسان في قلبه لهيب الشوق يكويني = ولو أكتب قصيـد الحب مدري الحب وفنونه
تعــالي نرسم الذكرى على القمرى بتلويني = يعرف الكون كل الكون معنى الحب وجنونه
ونكتب كلمة للحب ، ضحايا الحب مساكيني = ارددها أنـا ونتـي وكـل اللي يعـرفـونه