اقتباس:
المشاركة الأصلية كتبت بواسطة فارس القوافي
يجيني شوق مدري وش يجيبـه=ويدعيني بتال الليـل داعـي
واسولف عنك واحلم بك قريبـه=وتفضح لهفتـي زود اندفاعـي
سرقني الوقت من دنيـا غريبـه=وجيتك روح في عصر الضياعي
اهلّـي بـك وانـادي ياحبيبـه=واعطّر صيحتي وافرد ذراعي
واشوفك وردتي بارضٍ رحيبـه=وحيده في سكوني واجتماعـي
تعالي لملمي اجـروحٍ عطيبه=وهزّي الشوق يمطر لك بساعي
تعالي واسقي الـروح الكئيبه =تجرّعني الضما شرّ اجتراعي
انا روحي مـن الدنيـا صويبـه=وطول الوقت وآنا في نزاعـي
لقيتك في زمـن ياكبـر عيبـه=كُثر فيـه التمـرّد والخداعـي
وانا خايف تصيب الروح خيبـه=واضيّع مركبي ويّـا شراعـي
طبيبه وادري انـك لـي طبيبـه=ترى هذا شعوري وانطباعـي
حقيقة قلب مـا حـيٍّ دري بـه=يحبّك بسّ خايف ما تراعـي
|
اخوي فارس القوافي
صح لسانك وعتلا شانك
ولاهي غريب عليك الجزاله
تحياتي