وحيد غربه
يجتاحني برد واتلملم على حالي=واشب جمر القريض ولا يدفيني
وأنا على حالي أشكي البرد ولحالي=وحيد غربه ودمعي ما يكفيني
يمر ذا البرد مُرْ ولا يجي حالي=ويا شين وقتٍ في الغربه يبكيني
احتاج للدفء واللي جاء على بالي=بعيد وبديرته ناسٍ تعاديني
أظم طيفه بثوبٍ دارسٍ بالي=وجمر انتظاري يفوح اذا بكت عيني
ويختانني حلم وصله وامسك حبالي=وكنِّه يقول التمسك ليس يعنيني
وافز واقول يمكن تصدق امالي=ووعود الامال تخفق ما توفيني
يا اغلى من الروح ما ثمنك بالمالي=يا منجم الماس في ذرات تكويني
لو ساير الخلق قالوا مالك ومالي=ارجوك لا تعتبرهم بينك وبيني
خلك على روعتك واستقبل رسالي=لعل اشارات نبضي لك توديني
عسى الرسايل تخلي خاطرك سالي=ويجي بك الشوق والقى عينك بعيني
واقلدك من ثمين الماس سلسالي=واسلمك قلبي وساير عناويني
نلتقي لنرتقي
سعيد بن عبد الله الغامدي