[الطائر المهاجر]

قال .. ماتقولي هالحين نطلعك من ق وترجع لها ليش

طيب هالحين تبي بعض الذكريات عن صلاة الفجر :
كنا صغار وذاك الوقت يعدون اسماء اللذين يحضرون
وكان برد والناس في الخلوه ، يوم دخلت المسجد
واذا بمصري ، يدور في حوش المسجد ، ولا هوب داري
وشلون ينزل للخلوة ، وكانت جيته للمسجد لأنه عارف إنهم يعدون ،
المهم انا اراقبه ، يوم دريت واذا بالرجال يطل على الجماعة
من الكوه ، فتحة صغيره في السقف ، ويصيح بأعلا صوته :
دا هنا ، امال انتم فين ....
فهو سمع اسمه يعد ، فكان ما فعله اسهل طريقة لإثبات حضوره..

كان الإمام بعد صلاة الفجر يطلب المأمومين كل يوم يجلس عنه 3-4
على شان يثقفهم دينيا ، وكان من ضمن اللي عليه الدور ذاك اليوم
شايب من البادية ، قال له الإمام : من ربك ، قال ربي الله
قال ما دينك: قال ديني الإسلام ، قال من نبيك ، قال : محمد
قال هو حي وإلا ميت ، قال : حي .. ،
قال له يابن الحلال الرسول صلى الله عليه وسلم ميت ، قال له
اتهبا يالماخوذ ، انت اللي تموت ، النبي حي . ويالله بعد
جهد جهيد يقتنع ..

كان الأهل يحرصون دائما على دفعنا للصلاة جماعة ،
وبعد ما نرجع ، نسمع السؤال : صليت: نعم ، طيب من جنبك ،
فتكون الإجابة دائما : زيدي والجدار ..

لي عودة مع ذكريات الطفولة والمسجد
شكرا لك
تحياتي