تشوقني نسانيس البحر والبحر وامواجه=وتطربني لحون البلبل الشادي وتسبيني
والى مريت من حوله وانا مالي منه حاجه=يغازلني غرام الشوق بين الحين والحيني
واغمض عيني القشرى ليامن شفت ديباجه=وارد الشوف له والقاه من كيفه يقهويني
وانا من عام الاول ماقويت البحر وافواجه=فقط ، نظره ليا مريت من حوله تكفيني
ابي جرحي يطيب ويكتمل طبه من علاجه=وابي حالي يزين ولايغيب النوم عن عيني
الا يا اهل الهوى كيف البحر مده ومنهاجه=عسى ماهو على خبري بعد ناوي يعنيني
ويغرق مركبي في غبته واتعب في اخراجه=ولا القى اللي ليا ونيت من جرحي يداويني