[الخنساء]

المشاركة الأصلية كتبت بواسطة الطائر المهاجر

الرجل لامنّه تأخر زواجه = يكبر ولده ولا بوسعه يربيه
فلا هوب قادر يفتهم لاحتياجه= ولا هوب قادر بالملاحظ يراعيه
يضعف وظهره يبتدي في اعوجاجه=وولده يقوى في العناد وتحديه
فما عاد له هيبه ولو به لجاجه=ويفرط ولده ولا عرف كيف يحميه
يمشي على كيفه بدافع مزاجه = ويمكن يطيح بشلة الشر تغويه
يتعب ابوه بمشيته والهواجه= ويزيد همه هم ماهوب قاويه
بلشان في نفسه يدور علاجه= من كثرة امراضٍ تهده وتهريه
ولو سلم منها فالخرف صاب تاجه= مثل الشريط اللي انقلب يوم توحيه
وبنتٍ تأخر مثل هرم الدجاجه= لا بيض فاقسته ولا بيض تعطيه
ماعاد فيها للرجل اي حاجه= مثل الرجيع اليا عرض محد يشريه
ولو هي ببيت العز يلمع زجاجه= ياسرع ما ينهار باقفاي راعيه
تعيش في جوٍ كثيرٍ عجاجه = فلا رجل يحميها ولا الولد ترجيه
ودام العمر يركض تراها سماجه= انك تأخر في زواجك وترجيه*

* ترجيه = تؤجله

صح لسانك واعتلا شانك
قصيدة جزلة من شاعر جزل
سلمت ودام حرفك