يانفس يام الهوى فيك الغوى مسرج=لاطاعك انسان راح معاك فالعجه
طعتك وقلت ان نفسي لي على المدرج=واثرك تجرين من حبك على الدجه
امرك على السيئات وضيّق المخرج =يسوقك ابليس من سجه ليا سجه
من صحبتك صرت من معرج ليا معرج=وكل معرج يجي من بحره اللجه
تصاحبين اللعين الصاغر المُخرج= اللي له النار يوم الله بها زجه
ماتاقفي بي سوى فالماقف المحرج=وكل ماذقت زادك ودي الجه
انتي مع ابليس والدنيا بنا تدرج =وكل من طاعكم ماارتاح في فجه
واليوم يانفس والكربه بدت تفرج=مالك امل عقب هذا اليوم فالرجه
باجلدك واملكك بين الاوس والخزرج=في تاسع العشر خيرة شهر ذا الحجه