تعلمت منها أسلى إذا هاجت الأحـزان=مدام الحزن ما رجّع اللي أنـا اغليهـا
وتعلمت كيف أصبر على الظلم والعدوان=اسامح بجهدي لكن الراس مـا حنيهـا
وتعلمت أعز النفس والنوم لو جوعـان=ولا اذل نفـسٍ ربـي اللـي مسوّيهـا
وتعلمت احكم النفس مهما أكن غضبان=اوطّـي عليهـا ثـم بالحلـم اداويهـا
وتعلمت أقول الحق لو كنت انا الخسران=خسارة بدنيا خير مـن نـارٍ اصليهـا
وتعلمت إذا اخطيت ابحث عن الغفـران=واشيل الحقوق ، المظلمة مـا أدانيهـا
وتعلمت أخاف الله في السر والإعـلان=معي دوم حاضر خالق النفـس يدريهـا
صح لسانك مليون ولايوفون
جزله واكثر من جزله
وربي هالقصيده بلحالها مدرسه