سـلام يـامـن هرجـتـه ماتمـلـي=ماغيرك أرض به مـن النـاس خلـي
بعديـن اقلـك وانـت بعديـن قـلـي=وكل عـن الثانـي مكلـف ومسئـول
اسالنـي يـاروح روحـي واجيـبـك=والخوف منـي والخجـل لايصيبـك
وان قـدرت اتجـوز عنـي حبيبـك=مايسعك بالعـرض ياسعنـي بالطـول
انا حريـص مـن الزلـل والخطيـه=وانتـه كـذا مـرات تخطـي عليـه
والصاحب اللـي يسمـع الهـرج فيـه=ماداومت بينـي وبينـه ليـا الحـول
ليتـك صبـرت ايــام والا ليـالـي=حتى يبيـن الـك الصديـق الموالـي
أزعل عليـك وقلبـي ابيـض يلالـي=تخطي عليه والخطـأ منـك محمـول
ان كـان ماعنـدك محبـه نظيـفـه=لاتظهـر اسـراري لبـاب الكسيفـه
خليتنـي فالحـب راعــي وظيـفـه=في الصبح وظفني وفي العصر مفصول
حرقت في عيونـي وهلـت دموعـي=وشبكت سلك الكهربـه فـي شموعـي
حتى ولعـت وصـار قلبـي ولوعـي=ويوم انتهت وقمت والسلـك مفصـول