والله ماعـاد اتشـوف عينـي بعينـك=بعـد كـلام صـار بينـي وبيـنـك
والله علـى سـود الليـالـي يعيـنـك=ان كـان مـن زعلتـه اليـوم تهـوان
وان كـان ماعنـدك هـوى لاتـغـرّه=خـل المحـب يـوح فيـمـا يـسـره
عشره بـدون اخـلاص يازيـن مـرّه=والمـر خـلا الطفـل يكـره مـغـذاه
ما اشـد حـب الطفـل فـي رضاعـه=عن حظنهـا مايقـدر الصبـر ساعـه
لكـن بعـد الـمـر جـاتـه قنـاعـه=سبحـان مـن خـلاه يكـره وينسـاه
إفهـم تـرا مـن هـو دفعتـه نفعتـه=حنـا زرعنـا الطيـب وانـت قلعتـه
والا انت وينه طيبـك اللـي زرعتـه=لـو انـك زرعتـه مثلنـا ماقلعـنـاه
لو تزرع المعـروف مابـات ضامـي=نسقيـه ماتشـرب عـروق النـوامـي
وأحارسه عـن كـل خايـن حرامـي=لاينقطـع عـوده ولاشــاه تـرعـاه
لـكـن يـاداعـج عيـونـه بكحـلـه=طيبـك تبـاه لواحـد متـجـه لــه
ومن يزرع المعروف في غيـر اهلـه=اللـي لقـوه النـاس قبـلـه بيلـقـاه
لابـد لــك مقـصـود لابــد والاّ=والا لـبـدك ياعـزيـزي تـغـلـى
لعـلـي أدلــه والتـهـي واتسـلـى=واجور عـن مـن بـاع دينـه بدنيـاه
الهرجـه الزولـي صبرنـا عليـهـا=والثانـيـه قلـنـا عسـاهـا فـداهـا
والثالثـه بـانـت وبــان إمعنـاهـا=هرجك رموز ورموز هرجـك فهمنـاه
الله مــن نــارٍ تـزايـد وقـدهـا=نـار الهـوى اللـي ماسكتنـي بيدهـا
وافكار في اقصى القلب ما اعرف عددها=وهم مقيـم يجـر قلبـي مـن اقصـاه
دايم وأنـا مـن هـم فـي هـم ثانـي=هذا الذي مكتـوب لـي فـي زمانـي
الله لايسـقـي نـهــار رمـانــي=فـي عـرف هـذا ليتنـا ماعرفـنـاه