السلام عليكم احبتي ورجعه لكم بعد انقطاع لظروف خاصه وبعمل
متواضع من الحاني ومن كلمات
الشاعر محمد بن حزام بن فاهد
وجوله وتجربه جديده مع هذا الشاعر فاتمنى ان اوفق فيما ساطــــــرح ولكم تحياتي .......
تضمنت الاغنيه مقامين الصــــــبا والعدني ...
ملاحظه في المقام العدني تم تكرار كلمات من اصل شطر من بيت في
القصيده ومن اجل توازن اللحن والبيت كامل هو :
واليا نظرتي في عيونـي تقوليـن
اعـرف وفـاك وحبنـا الله يديمـه
مقام صبا
صحيح يمكن عن عيونـي تغيبيـن
لكن وربي في خفووووقـي مقيمـه
يبقا غلااك ايام وشهـور وسنيـن
وتبقين حباً مـات غـدر وظليمـه
لامر طيفك هل دمعـي مـن العيـن
سلواي بـس الذكريـات القديمـه
تذكري يوم الغـلاء يجمـع اثنيـن
تذكـري كيـف النوايـا سليـمـه
تذكـري وشلـون كنتـي تغاريـن
واقعد احلـف انـك بقلبـي يتيمـه
اقنعك بعض احيان واحيان تقسيـن
وأروح وارجع بس كلـي عزيمـه
واليا نظرتي في عيونـي تقوليـن
اعـرف وفـاك وحبنـا الله يديمـه
ياحلونا راضين او غيـر راضيـن
حتى الزعل ماكـان لـه اي قيمـه
مقام عدني
نزعل ثوانـي ونتصالـح وتبديـن
في شرح احاسيس الغرام العديمـه
ونحلم ونبنـي مادرينـا مساكيـن
ان الزمن ماله عن الغـدر شيمـه
وحبنـا الله يديمـه
والناس ماترحـم قلـوب المحبيـن
واسم المحبه في نظرهـم جريمـه
عنك حدوني غصب وانتي تشوفين
متباشريـن وكاسبيـن الغنيـمـه
وحبنـا الله يديمـه
ورحتي عذاب ورحت بالقلب جرحين
جرح الغرام وجرح فرقاء الزعيمـه
بس اذكري وشلون كنـا وتدريـن
انك خساره فـي حياتـي عظيمـه
وحبنـا الله يديمـه