اقتباس:
جيت للدنيا ومنها خفت/حتـى إنّـي بكيـت
صرختي لامي بشاره/ خففـت عنهـا الألـم
جيت عاري من اماني/ تسعة اشهورٍ قضيت
شايلتني في حشاها/ ما شتكت ثقـل وسقـم
جيت من ضعفي وحيد/ ولا عن احوالي دريت
غير إني صرت شيٍّ جاء مـن شبـه العـدم
وابتديت أكبر وأكبر/ حتى في يـومٍ مشيـت
وابتدت دنياي تسحب/ كـل يـومٍ لـي قـدم
البراءه والصراحـه انتهـت يومـي لقيـت
كـل واحـد ابتعـد عنهـا وجنّـح للوهـم
كنت اظن الكون جنّه/ واثري بظنّي خطيـت
كان ما انتب ذيب لابد تفرسك بعـض الغنـم
صرت مثل الناس علّي/ اسلم ولو مااشتهيت
دامنا في وسط غابه/ من ضعف فيها انظلـم
انقضى عمري اطارد في الوهم حتى اغتنيت
وصار لي عزٍّ وجاه وصرت شخصٍ محتـرم
صابني كثر الغـرور بدنيتـي حتـى لهيـت
حتى عن امٍ لأجلي شافـت المـوت احتـدم
شافته لحظه بلحظه/ وضْحَكت يومـي أتيـت
كن في يدها عطوها البـدر تكتـب بـه قلـم
كانت صغيره/جميله/ مثلها مـا قـد رأيـت
التوت لاجلي/ مثل غصنٍ ذوى ثـم انحطـم
وجهها الشاحب /وعينيها/ ببالي مـا نسيـت
وكيف لا من صرت تعبٍ/ ترتكز مثـل العلـم
وفي النهايه مع عروسي/ كلما تامـر وفيـت
حتى لو اترك عجوزي/ وحدها تشكي السقـم
كيف ابوصف كل جاحد/ مهما اكتب ما قضيت
نذل وإلاّ صـار مجـرم أو ضميـره انعـدم
وقمت افكر في حياتي/ وافتكر في اللي بنيـت
وهل يساوي عمري اللي ضاع من دون افتهم
إنني راحل/ مثل ما جيـت/ لومـا ارتضيـت
تاركٍ خلفـي رصيـدٍ/ اجتمـع بعـد النهـم
مثل من غيري ترجّل/ شوف عيني ما قريت
اندفن وحده/ وراحوا عنه لـو كانـوا أمـم
لا رفيق ولا صديق/ ولا قريب لـك غذيـت
ترتحل وحدك/ ولا من صاحـبٍ مهمـا لطـم
ومع مرور الوقت تنسى/ مثلما يومك نسيـت
من تسبب في وجودك/ وشال عنّك كـل هـم
في القبر تبدا المسيره /دون لو او قول ليـت
تحصد اللي قد زرعته/ يوم مـا ينفـع نـدم
وش تقول اليا حسابك كشف من ساعة بديت
وشفت قدامك مصيـرك يتجـه بـك للظُلَـم
لو تفكّر لو تدبّـر مقصـدي واللـي عنيـت
تعرف الدنيا سراب ولو تصل لاعلـى القمـم
|
يا حى يااا قيوم
؟؟
كلمات ما لها مثيل بهالدنيا الغريبة
عن جد قصيدة راااااااااااااائعة بكل مداد الاحراف
ولا يسعنى الان الا ان اقول لك
تسلم لنا اناملك يالغالى
ودمت ولا هنت
اختك وتلميذتك
كريمة