أسعد الله وقاتكم جميع بالخير والعافية
أتمنى أن أتي بمايناسب أذئقتكم دايماً
لأقلت طاب الجرح داخـل ضميـري=دارت سوالفهـم بذكـره وطـاريـه
سمعت ذكر أسمه على لسان غيـري=قالو سمعت الأسم قلت إيه قلت إيـه
ناس(ن) تعذبني بطـاري عشيـري=واقسى عذاب فراق غالـي الغاليـة
وأنا مفارق مـن يسـاوي نظيـري=فرقاء رجاها يقتـل اليـأس راجيـه
لأكن على ذكـراه مهمـا يصيـري=اقسمت ذكره دامنـي حـي لاحييـه
يالي تسولف لو سمحت استخيـري=(علي) مـع الأيـام حزنـه مكفيـه
أنت أتعرف حالي وضعـي خطيـري=أرجوك بالذكرى (علـي) لا تبكيـه
مابان دمعـي ضعـف وإلا فقيـري=(علي) غناه النفـس بالعـز تغنيـه
غني بعز النفس خيري كثيري=وبدل معزة نفسـي المـوت ياهيـه
وليا بغيت الدرب عقلـي شويـري=شوري فكر رأسً(ن) تصافق طواريه
ولا ضاق صدري قلت يارجل سيري=صوب الطويل اللي عسيره مراقيـه
بالمرتفـع ناديـت بالأسـم طيـري=ورفعت صوتي لاشقر الريش داعيـه
ذاك العديم الـي بوصفـه يحيـري=فكر الشجاع للـي بعيـده هقاويـه
وعبرت في رأس الطويل أتعبيـري=وضحت للي يفهـم العلـم مخفيـه
لو مايصير أصبح (علي) له يصيري=من شـان قافـي يتعبنـه معانيـه
وسقت النظر عن من نظرهم قصيري=وغنيت طاروق(ن) نسيت أسم راعيه
طاروق فكـرن بالقوافـي عسيـري=وشلون ماعرفه وأنا اللـي مغنيـه
لا سمعه اللـي بالمثايـل خبيـري=يقول صح لسـان راعي قوافيـه
الصدر مابـه عجـز وإلأ كسيـري=لبيـه ياعسـر الطواريـق لبـيـه
كان أرجعت للشعر بحـري غزيـري=فيضه من مواجه تلاطـم شواطيـه
شاعر ويهدر بحر شعـري هديـري=وفكار غيري مارست فـي موانيـه
من فكر غيري بالشعـر ماستعيـري=ولاضفت شطرن قبلي أحدن مسويه
شعري عن أحساس المشاعر سفيري=أحذف وأضيف وماتهزلـت أخليـه
وأن يبست الارياق سيفي شطيـري=أنشد ارجال(ن) طالب الحق تعطيـه
بالمرجله والعرف معهـم خشيـري=سلم الرجال اللي بهم خيـر ماشيـه
أعرف حقوق الضيف وأدرى قصيري=الجار ماسقت النظـر فـي عوانيـه
وعن ضيق صدري بالكريم استجيري=الواحد اللي سيـر الافـلاك بيديـه
يارب يامحـي الهشيـم الهصيـري=بمرك هشيمن ميـت العـام تحييـه
عن الردى رجلي عساهـا تحيـري=والقلب عـن فرقـا وليفـه تعزيـه