[الذيب الذيب]

السلام عليكم ورحمة الله وبركاته
تحية طيبة لجميع من في المنتدى المميز ومشاركة جديدة ارجوا أن تحوز على إعجابكم ورضاكم....

في ضيقةٍ(ن) ياناس تنبع من الجُوف = من حرّها جريت آهٍ(ن) بثر آه
لا قلت زان الحال صادفت صادوف = قامت علي بقعاء تزيد المعاناه
كني غريقٍ(ن) طاح بالبحر مكتوف = لو حاول المخراج ماهو ووياه
يجتاحني همٍّ(ن) كما جوح عاصوف = جاله بيوتٍ(ن) عامره هدّم ابناه
طيرٍ(ن)كسيراجناح والريش منتوف = هذي وصايف حال لله مشكاه
شفت الزمان اللي جحد كلّ معروف = وقت الرخى كلٍّ(ن) تبسم محياه
واليا بدالك لازمٍ(ن) صرت معيوف = كلٍ(ن) مشا خلاك لو تطلب إرضاه
واللي يسلي خاطرٍ(ن) حيل ملهوف = سج القدم في فيضةٍ(ن) عشبها زاه
مسقيه همّالٍ(ن) سحابه له اصفوف = سالت شعابه واردف الماء على ماه
لون الزهر زاهي على كلّ شاروف = والطير غنّا فوق غصنٍ(ن) تعلاه
هبت نسيمٍ(ن) واخضر الغصن معطوف = ريح الخزامى والمطر فاح محلاه
منها يطيب الذوق والشمّ والشوف = لذّة شرف نفرح بها وإنتمناه
نمشي طريق الحقّ بيّن له اوصوف =دستورنا القرآن يومٍ(ن) قريناه