[ماجد الزيد]

من يشرب الدخان لا ضاق عمّـر=ونا ليا ضاقت اعمّر دواوين
سهران لين الليل للنور شمـّر=قريص بعروقة يحسّ السكاكين
يامل قلبـن مـن بلاويـه جمّـر=واكنّ دخانه عن الناس ياحسيـن
خوفي خبيث يقول / قلبـه تدمّـر=ولاّ يحسون الوجـع بـي غاليـن
تشوفني اضحك .وكبـدي تسمّـر=الله ولا يفـرح بهمـي شياطيـن
نمرن وَصَارع لـي زمان ٍ تنمـّر=يركي على الطيب وخـلا خبيثيـن
الله مـن هـمِّ بصـدري تخـمّـر=طنيان واخشى فوعة ٍ تجلب سنين
جال ٍ على كتوفـي وقـام يْتهمّـر=ماتعبت في حمله / ولي ربِّ مْعين
يا راكب ٍ من فـوق ذاك المضمّـر=مثل العملّس يوم يقفي عن العين
وصّل كتاب الخالدي لحـرّ شمّـر=سلمان سلمان ٍ من العوق والبيـن
قل له طمرناها وهـي مـا تطمّـر=تكرم بلاد لعيـن نـاس ٍ وفييـن
وإلا لو الجبـري عيونـه تحمّـر=يسطر بكف القاف وجه الملاعيـن
يا صاحبي لا شفت قافي تقمّر=بذرت فيه رماح تسقى دمامين
علم ٍ يبان وعلم واجب يغمّر=سياسة الأحرار بين المساجين
كم واحد مْن الحال قام يْتذمّر=لا الحقّ فاز ولا اقعد الصّوت نيمين
المجتمع غنّى لأليسا وزمّر=يلعن ابوها ضيّعت جيل الالفين
القدس يهدم والكنيس يْتعمّر=وحكّامنا تعطي مقاولهم الطّين
ما شفت حسني كيف قام يْتئمّر=القاهرة صارت عفن من ابو حصين
ولا اردى من المربوط , إلا معمّر=ثوري حكي / بالله يضحك على مين ؟
افلق جبيني إن شفت فيهم مثمّر=يا خي بطولتهم سوالف بزارين
تدري من الأبطال ؟ فجّر ودمّر=حتّى ولوهم ثلّة اغراب يا حسين
من يشرب الدّخان لا ضاق عمّر=ونا ليا ضاقت خبصت القوانين