الحمد للي قدر ارزاق العباد=الواحد الجبار و الفرد الصمد
هو رافعن سبعن شداد بلا عماد=هو خالق الانسان دايم في كبد
يالله طلبتك يالهي فالرشاد=وافرغ علينا صبر من هذا الكمد
يارب وش هي حيلتي حل الفساد=تاه الحليم وضاعو اصحاب الرشد
راعي الامانه خانها لاجل السداد=وراعي الذمه على كيفه جحد
ماعاد حد يذكر لنا زاد المعاد=كلن يغاغي من فراغ بلا سند
كلن ورى الدنيا سعى حتى البلاد=ملمسه ناعم غير في قلبه اسد
وكل تاجر به جشع وقته حداد=لو ماتو الجيران عنهم مانشد
قلّو هل المعروف واهل الاقتصاد=باقي هل الاسراف حبلن من مسد
وين اللذي يفقه لقصدي والمراد=قولي عن الفتنه على الشارب جمد
يالله تديم الامن في هذي البلاد=واحفظه يارحمن من عين الحسد
واحفظ ملكنا اللي رعانا بالوداد=عبدالله اللي لاوعد يوفي الوعد
والختم صلو عدة اسراب الجراد=على محمد خير داعي للأحد