من لا يعرف الحر يشويه فروج = ومن لا يعرف الذيب يهمل نعاجه
من عقب هترل صار يالعود دبوج = اثر الزمن لا شان يظهر عجاجه
اصبح كريم النفس هالوقت مرجوج = يمشي وبين الناس طافي سراجه
هذا يكزه وذاك من حوله يدوج = وفلان لا شافه تكدر مزاجه
هذا زمن ياجوج يمكن وماجوج = كلٍ بعرفه راح يطلب خراجه
الهند فيها هنود ما حولها زنوج = وديارنا فيها مقيم الخواجه
ابعد تراني يابيض الوجه مزعوج = القلب صابه جرح يصعب علاجه
الوقت رمه والليالي غدن عوج = والديك اصبح تحت حكم الدجاجه