[مبروك بن ماضي]

تم نشرها اليوم 20/ 8 /1425 هـ في جريدة الجزيرة ( مدارات شعبية )
هنا

	( أصبر ولاتجزع ) ******************* إنّـك تـظـن الوقـت في ركـبْك يْـســـير أكــيــد واهـــم يـابـن آدم وغـلـطان *** كل الدلايـل نحـو خُـسـرانـك تْـشـــير إلا الـتـقي: مـن بـُـدّة الـناس ربحان *** طبع الزمن يجـري وتجـري المـقادير بتـقـدير ربـك لك 0 وماقــدره كان *** ناظر بعـمـرك وش تـبي من مـثـل غـير مع مــرورالوقــت يـزداد نـُقــصـان *** وآظـن ماتحـــتـاج لـك زود تـذكـــير الله أمــر بالعـــدل دايــم والاحـسـان *** صل واغـتـنم دنياك واعمل عمل خير بالآخــره تـلـقـاه 0 مانــتـه بـنـدمان *** واصـبر ولا تجـزع لكــِثر المخاســير تـرى الخـسـاره قـِلّـة الـدِيـن يافـلان *** لي صار ماعـــنـدك حـــدود ومحاذير وتمـشي بلـيا هـدي واضح وعـنوان *** ولاتـشـــعـر بـزلات مـنِّـك وتـقـصــير وتـعـيـش في دنـياك لاهي ونـسـيان *** غافل وماتـدري مصـيرك وش يصـير مـتـنـاســيـاً انْ فـــيـه جـنـه ونـيران *** هـنا هــنـا!! تحـــتـاج وقــفـه وتـفكـير تـصــدق مع خالـقـك فـيـها من الآن *** تـدخِل عـلى أســـلـوب منهجك تغـيـيـر ثمْ تــوزن أعـمالـك دواماً بمــيزان *** خـذها نـصـيحـه قـبـل تـندم0 وتحــذير واعلم بان غفلتك من ضعف الإيمان *** واحسـب حسابك واتّـعـض دوم بالغـير شِـف كم ترك هالدارقبلك من أنسان *** يـمكن يجـد هالأمــر في الـقـلـب تأثـير وتبصر له عْـيـونٍ وتصغي له آذان *************** مبروك بن سالم بن ماضي