[الطائر المهاجر]

من جروح الوقت عانيت الكثير = كل جرحٍ سهّل جروحٍ وراه
لو تزيد اليوم ما ظني تضير = ما يضر السلخ مذبوح الشياه
من مشى مثلي على اليمّه يسير= حاربه وقته ومن ناره لضاه
في زمانٍ ما يبي حرٍ يطير = غير بإذن البوم او بامر الحداه
كلما حاولت اغير في المسير= وانحني للوقت وامشي في خطاه
ما تطاوعني المبادي والضمير = شامخه كالطود يرفض انحناه
هي قريني من وانا طفلٍ صغير= في كياني راسخه حتى الوفاه
وهي سبب بلواي يوم اني كبير= في زمان من عصى امره وطاه
خاسرٍ باسبابها الشئ الكثير = وكاسبٍ إني حر ما يحنى الجباه
ودام راسي عايشٍ مهما يصير= ارفعه عالي ولا هبت العداه
مثل ماني جيت ابرحل للمصير = ورحلتي حرٍ ولا عبد واداه
في يدين القين خدام الأمير= شان احصّل حق او ادفع اذاه
في زمان الحق ماله من نصير = والعدل مفقود في وقت الطغاه