السلام عليكم ورحمة الله وبركاته
جديدي لفطاحلة الشعر وأرباب الفكر والأدب
أتمنى أن يرتقي لذائقتكم ويلقى القبول .
اخذ مفاتيح الغلا وافتح ابواب=قلبي وعيني .. لا تغرك ظنونك
واخذ قيودٍ للعهد بين الاحباب=قيّد مشاعر صاحبك .. لا يخونك
واخذ مجاريح النظر .. هاك الاهداب=واجرح عيونٍ ماتسامر عيونك
خذني حلالك .. ما ابي كلمة عتاب=عسى مشاريه العتب مايجونك
يا سالب الألباب ومحيّر الباب=لُب الحكي .. يمناك لاطيح دونك
مادامك الوارف وفيك الثمر طاب=ميّل على المحبوب ليّن غصونك
بَذوق طعمك واكتشف بعض الاسباب=اللي حدتني استمر في جنونك
من حقي اعرف صاحبي ليه جذاب=حتى اني اقدر يا عشيري اصونك
مد الموصل وارحم اللي معك ذاب=اطلق يمين الود واكرم شجونك
الشوق فيني لحّم النّاب بالنّاب=احكَم عليه وانت ماقلت عونك
بالمختصر .. كلمه ولا ابيك ترتاب=إتهمّني واهي بعد من شؤونك
اخذ مفاتيح الغلا واغلق الباب=بعيش في ذمة غلاك وعيونك