[الطائر المهاجر]

ليش امريكا تلاقي كره من خلف الحدود = وليش فيها يحدث التفجير من حينٍ لحين
دولةٍ قامت على الارهاب من وقت الهنود= يوم جوهم من اوربا في بلدهم طامعين
صيّدوهم بالبنادق مثل تصييد الأسود = ومن نجا منهم بوسط المحميه اصبح سجين
ولأنّ امريكا بعزله خططت لأطوّل صمود = غزو للعالم بفكرٍ او بقوّه لاتلين
واستحلت كل بقعه بالمكر ولاّ الجنود = همها الثروات دامت في يد المستضعفين
عذرها حربٍ على الإرهاب من كل الحشود= ولو هي اللي طورته وصدرت للعالمين
اسست للقاعده وساعدتها بالصعود = والبدايه ضد روسٍ في بلاد المسلمين
وقبلها الاخوان معها في مواثيق وعهود= لين شفنا كيف وصلوا واصبحوا متسيدين
ولابغت تغزي بلاد ارسلتهم في برود = شان تلقى العذر تدخل وتقبض الأجر الثمين
طائرات بدون طيارٍ على روس الرقود = تحصد الاطفال والشيبان في غزوٍ مهين
ابرياء من دون ذنب غير حقدٍ من حقود = والعذر ارهابي موجود عند البائسين
من زرع خير يلاقي الخير في دربه يجود= ومن زرع شرٍ يلاقي الشر في دربه يقين
ودام هذا طبع امريكا على كل العقود = انتقام الناس منها ما يبي فكرة فطين
مثل ما قامت تبي تسقط بلا ايّة وجود = ومثلها اسرائيل تهوي ماتلاقي من معين
كلها مستعمرٍ محتل لو عاش لعقود = النهايه كالبدايه لو تطول به السنين