[الخنساء]

المشاركة الأصلية كتبت بواسطة عبدالرحمن بن زهير

حان الوداع وخّيم الحزن وانساب=دمع العيون الدعج فوق المحاجر
وابتلت اوجانه وغرقة به اهداب=والكحل سال وكن دمعه جواهر
يشدني يمه وفي قلبه عتاب=ماعاد له حتى على الحكي خاطر
كنه يقول ارحل ولاتبدي اسباب=الله يصبرني على ضيم باكر
مجبور احبك وانت ماترخص احباب=لكن تسهل في طريقك وسافر
سافر وجرحي منك مبطي ولاطاب=والقلب من كثر المسايير عامر
في كل يوم يزورني غرب واقراب =هم وسهر واصبر عليهم واكابر
لو كان حبك ذنب والقلب ماتاب=يمديه يستغفر لو الحزن كافر
لكن فراقك صعب والجمر شباب=بين الضلوع وكن صدري مقابر
غيرك ترى مايحرق الصدر لو غاب=يمرني بعده كما طيف عابر
ودعتها واهديتها ورد وكتاب=مليان ببيات الشعر والخواطر
قلت احفظيه وقفلي دونه ابواب=شاعرك ببياته معك دوم حاضر
وامليه من حبك مشاريه وعتاب=لا تتركينه مثل راعيه خاسر

صح لسانك ولاهنت
ابيات رائعة وسرنى اكون اول المصافحين
سلمت ودمت بخير