[عبدالله الشويمان]

المشاركة الأصلية كتبت بواسطة الطائر المهاجر

جاني ودمعه على الخد يتبارا = باوّل شبابه بدا فيه المشيب
قال المـره حطمتني بقتـدارا = اصبحت قدامها ما نيب ذيب
ما عاد من نهي في بيتي يدارا = وما عاد لي أمر أو رأي صويب
ما همها غير عطنا بختصـارا = وان ما حصل شي تشني للغريب
وان ما لقيتها بداري والجـوارا = تقـول بالسوق أو بيت قـريب
تشك فيني مثل بعض الخكـارا = ونسيت منهو انا ، شي عجيب
وان جيت اوجه تحدتني جهارا = تقول منته كفو ، طبعك غريب
وان جيت اربي اتعذر للصغارا = كبروا عيـالي وكل فيه عيـب
وضعي جدار تحت ظله تـدارا = وفي داخل البيت يحرقني اللهيب
يا حيسفا تجحد اللي يوم صارا = تنسى فعالي ونا القـرم اللبيب
اخذتها بعد حب ما يجـارا = وضحّيت من أجلها باقرب قريب
قللي شسوي تراني بانهيـارا = اخـاف انا انجن من قبل المغيب
قلت الحقيقة تبيها ما تمـارا = جـاوب سؤالي ولو انه صعيب
اخـاف داشر مرافق للسكارا = او لك خويّات دايم لك نبيب
قال العفو عيب شكك فلحيارا = وشلون ابدشر ونا ماكـل غبيب
قلت السموحه لشكي باعتذارا = تبي لك دروس في طبع الحبيب
زوجتك مهره كما بعض العذارا = ممن تظن الرجل كبش حبيب
اعماك حبك ولاتدري المسارا = ولا بد من حـل ماغيـره يصيب
تغيب يومين والثالث تـوارا = وفي يـوم رابع يكلمها ذريب
يعطي خبر جملة فيها اختصارا= رجلك تجوز وخـاف انه رغيب
وفي يوم سادس تجيها بالنهارا= تشوف وجهك وتمشي كالغريب
وفي يوم سابع تجي ليل توارا= تحط راسك وظهـرك للحبيب
نفـذ بحزم لشهـرين تبـارا = وهات النتيجة عساها ما تخيب
من بعدها جا وفي كل افتخارا = وقام يتشكر مخططنا رهيـب

صح السانك يا ابو عبدالله
قافيه صعبه حيل ما يجيبها الا شاعر مثلك
لا هنت لا هنت