[عمر ال شيبي]

المشاركة الأصلية كتبت بواسطة حرف وشعر

لاتامن الدنيا ولاتامن الذيب= ولاتامن الغدار مهما صفالك
دنياك شمطا لو زهت بالجلابيب=مثل السراب اللي جهامه بدا لك
والذيب يمكر بك عسي راسه الشيب=ولا غمضت عينك علي النوم جالك
والخاين الغدار ياتيك بالطيب=والنيه القشرا تري في حلالك
ولاتامن النمام صنوي الاكاذيب=لابد مايشناك باللي شنالك
والقرم ما راجت عليه الألاعيب=يكشف مداخلها ولو بالمحالك
فطن البصيره ماتجيه العذاريب=مثل الذهب مابار في راس مالك
والقرم لو ضالت عليه الكلاليب=ولو دنقت به في عطوب المهالك
بيشوف له لابد دبره وترتيب= حتي ولو ضاقت عليه المسالك
والمرجله ماهي بلبس الجلاليب= ولا هي بكثران الدراهم كذالك
المرجله عند الرجال المواجيب= واسلوم جدانك وعمك وخالك
سلم العرب لازال ماجاه تغريب= والمقبلات الله عليم (ن) بذالك

صح لسانك شامخه بعزك وقلبك

يا ما حلا قاف ٍ عزيز التراحيب = فيه الصفات الزينه ملكك وفالك