السلام عليكم ...
بوابة عبور لأذواقكم الشامخة ،
لو تمرين عند اللي عيونه كفيفه = شاف قلبه جمالك واوصفه باللساني
هبوط إضطراري ...!
كل من لا يطول اللي بشفه وكيفه = ذمّ في أقرب أصحابه وأهل المكاني
معكم هذه المشار كة والجود من الموجود ،
((((( ذبـح الـقـلـوب )))))
رفرفي يالخواطر بالمعاني النظيفة = علمّيهم مبرّر ، نظمك اللي حداني
امدحي المهرة اللي مالها من وصيفه = قولي للحاقد انه ماله إلا،الأماني
أثبتي للي ما جرّب مصارح وليفه = إن الإبداع سـرّه مندفن في المعاني
كل من لا يطول اللي بشفـّه وكيفه = ذمّ في أقرب أصحابه وأهل المكاني
ياعذاب الفؤاد اللي تزايد ر جيفه = طول ليلي أقا سي من عذابه وأعاني
أنتي تاج البنات وبك خصال ٍعفيفة = وأنتي رمز الوفاء ياساكنة في كياني
أنتي اللي تقلدني،بك العز سيفه = وأنتي معشوقتي من بين قاصي وداني
أنتي معنى الحياة وبالمشاعر رهيفه = فيك ذبح القلوب وفيك لمسة حناني
لو تمرين عند اللي ،عيونه كفيفة = شاف قلبه جمالك و اوصفه باللساني
أو رفع برقعك لفحة نسيم ٍ طفيفة = يجهر العين خدك ، لوهي رمشة ثواني
وان نظرك القمر في طلّت ٍ لك خفيفة = غاب نوره وأظلم عقب ما كان باني
دوحة الحب لأجلك بالضماير مريفه = يا منى القلب والغاية بطول الزماني
الهوى حطه الله ، بيننا با لنصيفه = نصف قلبك وقلبي صا ير ٍنصف ثاني
مودتي لشموخكم
محمد بن عمار