السلام عليكم ورحمة الله وبركاته
ارحمني الله يجازي قلبك القاسي = تزيد فيني جروح و منت راحمني
لحظة رجيتك أبرحل واخذ انفاسي = عل الزمن في رحيلي منك يحرمني
هذي جزاتي و تغرز فيني الفاسي = مهما أحاول حبيبي منت فاهمني
خذ قسوتك عافك الخاطر والاحساسي = الله ينزع هواك و قسوتك مني
أذكرك يا كثير الطعن لو ناسي = أذكرك يوم تقطعني و تلملمني
خذ كل لحظة حزينة من صفا راسي = وخذ كل دمعة على ذكراك تزهمني
كنت الهوى كنت كل الكون والناسي = واليوم قسوة فؤادك حيل تظلمني