اقتباس:
المشاركة الأصلية كتبت بواسطة ماجد الراشد الهيري
جايشتكي
جايشتكي قلبي وأنا قلب موجوع=ماتنفع الشكوى على قلب واله
هذي جروحك بالمحبه لها أسبوع =وانا جروحي حالها اليوم حاله
ياصاحبي خل الهوى عنك لاتروع =خذها نصيحه كان قلبك تواله
دام العشق في هالزمن صار مصنوع=انسى همومك ولاتعيش بجهاله
تسهر على حب النّوى فيه منزوع=ذرّت ترايبها من الوقت عاله
ماتعشب الازهار فيها ولانوع=لو تسقي بدمعة عيونك وصاله
حتى سنا ضيّه من الخافق شموع=وانتا سنا ضيّك يمينه وشماله
ياقلب ياللي عشت في حب مخدوع=قلب (ن)فتنك اليوم وأبعد خياله
أما رضيت اليوم في امر موضوع=والاأنسحب ياخوك مالك وماله
شفني انا ابني من سنين مشروع=وفجأه تركني في برودة سؤاله
بأقصى الحشا في داخلي غصن وفروع=ذبلت وجفّت وأنتهت بأستماله
شعر /ماجد الراشد الهيري |
ايه والله مالك وماله
صدقت وصح لسانك جزله من فكر طيب