[الطائر المهاجر]

تدري وش اللي ما يثير اهتمامك= انك تفكر لحظةٍ في نهايتك
لا زلت غافل ف الحياة بمرامك = كنك مخلد تشغلك دوم غايتك
الموت حولك من وراك وامامك= نبضات تاقف وانت داله بدنيتك
تركض وراها مغرمٍ في هيامك= متجاهل انك راحل حين حزتك
وين الحبايب من خوال وعمامك= ويمكن شقيقٍ او شقيقه وعمتك
فرصتك تصحى دام انت بمنامك= تراجع حسابك عن يقينٍ بنيتك
لا يجرفك تيّار يمسك زمامك= وينسيك دينك او تساهل بسيّتك
مادام مسلم ليش تكسب آثامك= وتطاوع اللي كل همه غوايتك
تبي تحضر لو مشيت بعتامك= يمكن تحضر دون تفقد هويتك
من دون دين فعاثراتٍ سهامك = ومن دون علم فخاسرٍ رغم فطنتك
بالدين ويا العلم يعلى سنامك= بين الخلايق رافعٍ دوم رآيتك
لدنياك تعمل كود ترفع مقامك = وللآخره تعمل تدور لجنتك
عدو دينك تقهره في صيامك= وحتى صلاتك تلسعه مثل كيتك