وراحت ورا ذكرى قديمة
تبي تعرف نهاية القصة الأليمة
تبي تعرف إن كنت ناسي
وإلا باقي على الحب
تبي تذكرني
بذيك الأيام الجميلة
يوم كنا سوا
نحلم
ونرسم
ونبصم
توقيعنا الاثنين
على جذوع الشجر
تحت حبات المطر
أكتب أنا احبك
وهي ترسم لها قلبين
كنا مثل طفلين
نغار و نزعل
إذا فرقنا بعدين ...!
لابد بكره نتقابل
وبعده لابد نتقابل
ونتقابل و نتقابل
كل يوم ويومين
والشهر يصير شهرين
بإصرارنا الاثنين
صارت تمر السنين
كأنها لحظة ... ألحين
صعب تنتظرها
وصعب تختصرها
بضغطة زرين
حتى الهواتف
صارت ما تقدر تتحمل !
عواصف شوق الاثنين
كذا كنا من سنين
بالصبر كنا عايشين
وبالحب نذهل الحاسدين
***
آه يا زمن ألحين ..!!
كيف تغيرت المعاني
" الحب مابين إثنين "
= صار =
" قبر فيه قلبين "
الغش ما هو جريمة
والغدر ما هو ذميمة
والكذب عذر لكل الصفات اللئيمة
***
آه يا زمن ألحين ..!!
كيف تغير الحنين
حتى الجنين يطلع
وينكر فضل الاثنين
وينكر كل الجمايل
بكلمة أوف وأوفين
***
بقلم/ محمد عبدالله السلمان