يالله طلبتك في الهدى قبل ما اموت=والجنه الي تحت عرشك معادي
يارازق الانسان والطير والحوت =كلن بما هو قد خلق له يعادي
بيدك خلقت ادم من الطين منحوت =ونفخت فيه الروح واقبل بنادي
وعلمته اسماء الخليقه على نوت = من حكمتك واسجدت له كل بادي
وابليس عيى يسجد وصار مبهوت=من لعنتك وامهلته ابكل نادي
ومن آدم استخرجت حواء ومثبوت=وادخلتهم جنات وابليس رادي
وحذرتهم من صحبة ابليس والفوت=والبستهم من نور واطياب زادي
والشجره الي لونها صار ممقوت =آدم نسيها عقب طول البعادي
واغراهم الشيطان وادناهم القوت =يومن كلو منها بدى كل نادي
ضاع اللباس النور والجنه اتفوت =نزلو الى الدنياء بحال النكادي
وابليس في الدنياء على الخلق مفلوت=ماهمه الا يكفرون العبادي
يزين الدنياء على كل مسحوت =ويصور الشينه للانسان كادي
يحكم على العالم بسيفه ونبوت=والدين اشوف اهله تحالو الرقادي
كل الرسل ترسل لتهدي هل الحوت=الي ورى الشيطان شدو القتادي
واليوم اشوف ابليس له بيننا بوت =حل الربا والرشوه قبل السدادي
يحكم نظام العولمه بالف ريموت =والناس بين ايديه تقبل تجادي
هذا النظام البرتقالي بملفوت = ماغاب عن عقل اللبيب البجادي
اشوف واسمع والرياده لريبوت =بين الفتن كلن يطب المزادي
مضيعين اهل الامانات ببشوت=ياكل حقوق الناس في كل وادي
والناس خلف المال يبغون بيروت=ضاعت امانيهم بوادي الفسادي
تلفاز وانترنت ولسان مصلوت=ماتسمع الا كل حصني وشادي
ياعالم الاسرار من كل مكبوت= يافارج الكربات في كل قادي
ياخالقي مالي جداء وارفع الصوت=في قرننا الخامس عشر لاارادي