بعض البشر ترتاح لي صار يمك= عالي بقدره والتواضع يحليه
شوفه يجلي عنك ضيجك وهمك= حلوه سواليفه وزينه ملاقيه
واذا تعكر لك مزاجك ودمك= ينسيك همك ساعتن تلتقي فيه
والبعض لي من طحت شدك ولمك=ويقولك لك عونك قبل ما تناديه
والبعض لي من سم قلبه يسمك= شينه سواليفه وشينه معانيه
نمام يتبع كل شئ يغمك= مريض نفس مالقي من يداويه
احذر ردئ الطبع لو كان عمك= واحرص علي ذرب الطبايع وخاويه
تري الردي لي غبت عنه يذمك= بطباع ماهي فيك لاكنها فيه
هذي تجارب قلتها لك تهمك = من شاعر يغلي قدر كل مغليه