رد: ** الا يــاشين لا فــارقك غــاآلــي
اقتباس:
المشاركة الأصلية كتبت بواسطة سعود سعد العتيبي
الا ياشين لا فارقك غالي = يصيبك مثل نوبات الهبالي
وداعه صعب يا مصعب وداعه = يزيد القلب لوعات و وبالي
غزير الدمع من عينك تهله = و نار الشوق في اقوى اشتعالي
تعيش العمر واحزانك قريبه = تخاويها على مر الليالي
قسى الايام تقضيها و تصبر = على وقتٍ لحالك ما يبالي
انا عايشت لحظاتٍ صعيبه = على المحبوب من شيٍ جرالي
تركني يوم انا روحي توده = عليه اشغلت انا حالي و بالي
سكن في وسط قلبي واستحله = بنى له قصر فى الخفاق عالي
تلوح احلامنا بيني و بينه = نصورها و تبقى فـ الخيالي
قضينا العمر في درب الموده = على وضح النقا ما به ميالي
و دار الوقت في يوم و ليله = مسار الوقت ما فيه اعتدالي
جبرني و انجبر قلبي غصيبه = على فرقا حبيبٍ لي مثالي
انا من عقب خلي صرت ضايع = ولا ادري عن يمني من شمالي
حزين و قاسي الوقت اشتكيته = على منهو عليه الاتكالي
|
سعود العتيبي
شامخ ياسعود شامخ
والله يجمع قلوب المحبيبن
علي خير ويبعد عنك الفرقي
تقبل مروري لديك
|