[فهد الغنام]

إن كان هذا حبك اللي تقوله = لا حول يا حب الفلس والندامه
لا صرت انا ملقوف وانتي زعوله = يبي يصير الدم فوق العمامه
قلبي واعرفه زين واعرف ميوله = ما يجذبه بالبت سود اللثامه
ولا همته سود العيون الخجوله = ولا عذبه بالخد حبه وشامه
ولا فز من سود الجدايل وطوله =ولا مات في شكل البدي وإنسجامه
ملّيت من طرد المهاة الجفوله=أشيل ذنب ولا حقتني ملامه
يا بنت عندي شي ودي اقوله =وانتي عليك الفبركه والفهامه
ما كل من يعشق من الناس موله=ولا كل حرٍ تهتويه الحمامه
والحب ما يبغى وسيط وعموله = ولا ظنتي يحتاج شكل وسامه
الحب نزف القلب لحظة ذهوله =ما بين موت إيرادتك و إنعدامه
الود روحه والمشاعر رسوله = والشك موته والسهر له علامه
إحساس طاغي فيه طبع الشموله = أخلاص صدق وتضحيّه واستقامه
وردٍ مع الهجران يبداء ذبوله =لا ماتت اعروق الوفا والشهامه
رصيد بنك وراس ماله سيوله =لا مات رجل ولا انحنت فيه هامه
يا بنت لي بالحب صوله وجوله =ما شفت منه ألا الشقى والندامه
وإن كان هذا اول محبتك هوله = ما عاد أبيلك حب نبي السلامه
لفيّت لجل الحب تسعين دوله = لقيت أنا أغلا حب حب الكرامه
يقوله اللي شايشٍ وسط شوله =بدعه علي وأنتّه عليك أحترامه
وإن عوّدت فرسان حرب وبطوله =حنا هل التاريخ وأهل الزعامه

اخوكم ... فهد الغنام الشمري