اقتباس:
المشاركة الأصلية كتبت بواسطة محمد اسماعيل الرفاعي
مــالك معاي؟
من غير سبب
عبيت مواعين الخصام
مليتا من طين جفوتك
وقلبتا لي ظهر المِجن !
مالك معاي ؟
سديت براك كل الدروب
جاتني من تالاك هبوب
يسترني علام الغيوب
يكفيني ويلات المحن
مالك معاي ؟
خليتني آكل في حشاي
إجترّ مرّ الذكريات
واذرف دموع الحسرة
ألعن في تصاريف الزمن
مالك معاي ؟
وإنتا الزمان عودتني
تبقالي يوت نعم المعين
تستر عيوبي وكت تبين
واحلام صباي تهدهدن
مالك معاي
وأنا كنتا بحلم بي هواك
طول عمري متنسم شذاك
ألقاك معاي عز الهجيع
وحت حين عيوني أفتّحن
مالك معاي ؟
يا الكنتا دايما لي غُتاي
طبي ودواي
نغمات غناي
غاية مشاعري ومبتغاي
كُت ليَّ نعم المؤتمن ؟
مالك معاي
تسقيني سمك بي برود
ترويني من فيض الصدود
بيناتنا بتعلي السدود
وجروحي يبرو تفتِّقن
مالك معاي
تبهتني يا كافي البلا
تبقالي كل سبب الجلا
يا قاسي بقعد في الضرى
ودموعي وحدي بكفكفن
بس إنتا قول ..
مالك معاي؟
صباح الخميس 3 /6 / 2010م |
صدقنى بحبك جداااااااااااااااااااااااااااا ااااااا