هذه الأبيات من زميل عزيز /
ارفع لك (البيضاء) وفاء وين ماكنت = واسوق لك جزل القصيد النقاوي
لا هنت ثم لاهنت لاهنت لاهنت = ياصامل الهقوات زبن الجلاوي
احد بنا جداره من رخام واسمنت = وانا بنيته بالفخر يوم اخاوي
خاويتك بسلم الرجال وتمكنت = من مكسب يبحث وراه الغناوي
الطيب واعلوم المراجل وانا وانت = نبقى على مر الزمن بالتساوي
وهنا ردي عليه /
أهلا هلا ياللي بلطفك تفننت = يامرحبا بك ، يانظير النداوي
أسعدت من يفخر بقربك وطمنت = طرف عقب فرقاك يسهر خلاوي
رفعت قدرك بالمقابل وثمنت = قولك وفعلك يابعيد الهقاوي
ماهو ب توي ، من غلاتك تيقنت = علم ثبت ماهيب رمعة حراوي
في معدنك ياصاحبي ماتمعنت = ولاسألت بكم سعره يساوي
وماسمت في مشراي عرفك وعربنت = دفعت نقد ما أفاصل وأراوي
تحياتي وتقديري
محمد بن عمار