في الشتاء الماضي 2010م مررت على بعض الأقارب بمناسبة زواج ابنائهم جنوب ابو ظهير وادي المياه ثم خطرت لي فكره ان امر على بعض الأماكن لذكريات لي فيها طيبة وقديمه ،،،، ورأيت مأوردته يهذا البيات عسى ان تحوز على رضاكم :-
ليت ربي ماقسم لي مراحـي لدمـوات=هلت العين الشقيـه غزيـر ادموعهـا
وقام دالوب التفاكيـر يقبـل بعبـرات=وذرفت عيني لذكرى عزيـز اربوعهـا
شفت بالدربيل عرجون شرقي جريبيعات=وشفت ابوظهيرٍ وسماياً غريبٍ نوعهـا
شفت جو مناخ وغربيه مريت حـذرات=وريش نصار وذا البكر كنـه يبوعهـا
وجيت دار للاحبـه وجريـت زفـرات=شرقي ام اعشوش ذي دارهم واقطوعها
يرحم الله من رحل والحي دوبه للممات=مايعوِد كـون كفـي تصافـح كوعهـا
من عقب ماحن جميعاً لفتنـا بالشتـات=سنـة الخالـق بدنيـاً كثيـر لوعهـا
وين ذاك الجمع يـومٍ اهلهـا بالحيـات=وكل منهم هامته شامخـه بشموعهـا
بالمراجل والمروه كما جبـال السـرات=والعلـوم الغانمـه عارفيـن سنوعهـا
اهل دنيا ودين واعزوم وان كانو حفـات=والعلوم الهابطه ماطرقـت لسموعهـا
عارف دنيا العنا دوم تمشي هالسـوات=ماتغيرهـا الليالـي وهـاذي طبوعهـا
يالله بالغفران لامن بعثنا وحـن عُـرات=والخلايق تمت تشوف شـي يروعهـا
والله يجمعنا بدار لهـا ذكـر وصفـات=مع الاحبه في جنانٍ نقطـف اينوعهـا