يابحر ابي اشكي لك بعيد عن الناس=وانت استمع شكواي وافهم مرادي
يابحرموجك كـل مــــــاهـب نسنـاس=كنــــه يحـرك حاجـة فـي فـؤادي
مدك يعاندني وانـــــا انسـان حسـاس=وتغلبني الذكرى على موج هـادي
يابحر قلبي حطمه مركــــــب اليـاس=اسهر وغيري مهتنـي بالرقـــــادي
واكتم بصـــــــدري واتـأوه بالانفـاس=واجاوب الورقى على لحن شـادي
وافز فزت صاحـــــي العقل محتـاس=لولا الحيا لا صيح واندب وانـادي
طعنت ظهر كليب يارمـــــح جسـاس=خنت العهد خنت الوفـا والمبــادي
يابحر صارحني وانا معك جـــــلاس=عطني عن المضمون علم الوكادي
قال انت شارب علقم المر في كـــاس=ولا لك علاج في جميـع البـــــلادي
عطيتك الموجزمن الراس للـــــراس=ومابان من قولك يكفـي العبــــــادي
قلت اه من شي غدا مثل الامــــواس=باقصى ضميري قطعه من عنـادي
اخوكم /ابن عياد الحويطي