احاول قد ما اقـدر ارقّـع حظـي المشقـوق
ابي لو ينستر مـره ويكفينـي مـن شطونـه
يعاملني مثل غيري لو انه ما يعـرف الـذوق
ولا يحرك همـومٍ ساكنـه بالقلـب مفتونـه
الا ياعمـري الضايـع الا ياقلبـي المحـروق
متى اصحى واشوف الحظ والبسمات بعيونـه
تعبت اشكي من الأيام تحطمني بليـا رفـوق
وانا صابر وصاح الصبر في عبرات مكنونـه
يقول اتعبتني غيّر ولا عمـرك تناظـر فـوق
وخل الفوق للـي ساير التيار وجنونه
لبس ثوب المكر وافلح بكسب الطاق والمطبوق
ومثلك رجعي المبدأ تعيش وتحيـا بسجونـه
فخله ينفعك في وقت اعلـن هجمتـه بعقـوق
تنكر للمبادي اللـي شرعهـا الله فـي كونـه
صح لسانك مليووووون ولايكفووون
قصيدة جزلة من شاعر جز متمكن
قصيدة تترجم اوجاع واقعيه
سلمت ودام حرفك المؤلم