[يزيد النمي]

السلام عليكم ورحمة الله وبركاته
...
...
حقيقة... لا أجيد المقدمات وزبرقة الكلام ، ولكني مؤمن بنقائكم وكريم عفوكم وأنكم ستعذرونني لطول الغياب .

كما أتمنى أن تكون هذه الأبيات خير شافع .

يـا للغبـون ويـا لكبـر الخسـاره=أحفيت رجليني ولا نلـت لـي شـف
اللي غرسته ورد ما اجمـل حمـاره=واللي جنيته شوك جرح لي الكـف !!
لا شك يغرينـي الحسـن والنضـارة=ويجرفني التيار لا احسـب ولا اكـف
لكـن تزييـف المعـادن شـطـاره=ولا اعرف ازيفها ولا انصف مزيّـف
يجوزلي فالشخـص حسـن العبـارة=والمنطق اللي لا وزناه .. مـا خـف
لو كان قصـد السـوّ خلفـه واثـاره=اخذ الثمر من بين الاشـواك واكتـف
أبصر.. ولا أبصر وش بخلف الستارة=وأمشي.. وتبدي لي خفيّات . وانكف
متحـديٍ زود الغـبـن والـمـرارة=ونزف المواجع من زمانين ما جـف
وهنـيّ منهـو فـي يمينـه قـراره=ما لاحقنـه هـوج الاريـاح وانـدف
ما هوب قصدي مـن يغيـر مسـاره=اللـي ليـا شـاف المواليـم يلتـف
يضحـك بوجـه المقبليـن بحـراره=والا تعـداهـم تـذمــر وأفـــف
ياما اقصر يمينـه ومطـول يسـاره=حتى عن أعراض المخاليق ما عـف
قدامنـا يظـهـر كثـيـرٍ وقــاره=وبظهورنـا زوّر وكـذّب وحــرّف
يسبّنـا مـن حـرّتـه وانكـسـاره=والله مـا يصفـى فـواده وينظـف
أسرج حميـرٍ يدّعيـهـا مـهـاره=وسل العصا ويظنها السيـف مرهـف
دربـه يبيلـه زفلتـه ثـم إنــاره=غادي ولا يتْبعـه حتـى المخـذرف

وسلامة من يقرأ