[سناعيس]

بعد انقطاع قسري
ها أنا اطرح هذه المتواضعه أمام أنظاركم علها تجد القبول والاستحسان
مع التحيه والتقدير للجميع
.

ان كان تسمح بابتدي واختصربك=لاني بطبعي ما أحب الرتابه
واقول حبي شايفه يحتضربك=مادام قلبك أخضرٍ به رحابه
لو يجتمع ناس على بير شربك=كل بدلوه جمتك جاب مابه
واللي يجيك ويعترض لك بدربك=ياخذ معك يعطي بليا مهابه
شرقك وشامك مع جنوبك وغربك=كلك درستك في طبوعك تشابه
طرحك وجمعك قسمتك ثم ضربك=نتيجتك راسب وايضا زلابه
قلبٍ سكنته لاحشى ماغدربك=مع انك اللي تستلذ بعذابه
وانا الذي ياما تفاديت حربك=وانته تحاول تدعي بالصلابه
أشعلت كرهك يالغبي واستعربك=واحرقت حبٍ ماهقيت بخرابه
نقطة سواد وحبنا مافتخربك=من أوله ياصاحبي به غرابه
حبٍ لك الله احسبه ينتثربك=لكن نثرته واختلط مع ترابه
لاتحسب اني باعشقك وانتحربك=الا اذا كان العقل شي صابه
ان كان تسأل والسؤال انصهربك=خذ من سؤالك يالفهيم الاجابه
خط النهاية مال بك وانحدربك=وحبك الى المجهول فيه انتهى به