أهدي لهذا الصرح الشامخ ولاعضاه وزواره
هذه القصيده علها تنال رضاكم
لاضاق صدرك كان تبغى علاجه=الخايع المخلي تراه افضل اعلاج
سجة قدم صدرك يزيد ابتهاجه=ماعندك امهايط ولا شذب هراج
مع خايعن لوهو معسم عجاجه=اخير من بعض المجالس والازعاج
بعض المجالس مابه إلا السماجه=لوكان مفروشه حريرن وديباج
مبعد عن اللي مايوني مداجه=ياكثر ماسبب للأجواد الاحراج
تلقاه بالمجلس كثير اللجاجه=غايب ليااحتجته وحاضرلياحتاج
و قت الشدايد مانفع لو يواجه=ودرب الردا له دايم الدوم مسهاج
خلك مع اللي مايعقد احجاجه=طيب ولد طيب له الطيب منهاج
ماغيرت طول المسافه مزاجه=صدره وسيع وبالروى مثل هداج
نايض محمد الرشيدي |