[عبير الورد]

المشاركة الأصلية كتبت بواسطة ماجد الزيد

يا عبيد كاننك لك اعوام مهموم=اصبر ونفسك لا تزيد بعناها
كم واحدن قلبه من الحب مسهموم=والعين تنثر من شقاها شقاها
يا عبيد انا قبلك لك الله مكلوم=والروح راحت من وراها وراها
الترفة الي لاقبلت كنها قوم=يفز قلبي يوم يسمع خطاها
شمحوطةٍ ياعبيد والصدر مزوم=عنقا وعز الخيل يقبل معاها
تركية العينين والخصر ملموم=والثغر ثغر طفيلة ٍ من حلاها
واليوم ويش اليوم ياعبيد ذا اليوم=حالت سيوف الهند من دون ماها
العين ما والله تقوى على النوم=ون هي غفت صاح الكنين ونهاها
جرح الهوا يسكن ولاهوب ملظوم=ياسرع ما تنزف جروحه دماها
كلما تناسى ستالفة عشق مردوم=قوس الربابة ذكره ما نساها
بيّحت لك همٍ على القلب مختوم =يوم الربابة ما عتقنا عواها
والله يقرب حاجتك منت مليوم=والله يسامح من يلومك هواها
ويا عبيد كاننّك لك اعوام مهموم=اصبر ونفسك لا تزيد بعناها

الله الله صح لسااااانك ملايين وسلم منطوقك الجزل ربي يعطيك العافيه