[شجون القصيد]

.

. .


. . .

اكبر قهر لاجاك ضيمك من اللي = عديتهم ذخرك بليل الصعايب
اول اعدك تاج راسي ومن لي = ناسي وخلاني وكل القرايب
واليوم ماريدك ولو كنت ظلي = بعيش مرتاحه بليا حبايب
يامن تبي رايي ولاهو تسلي = قرب وبعطيك العلوم النجايب
خذ المشوره قبل عمرك يزلي = لاترتجي قلبٍ عن الحب غايب
لاصار لك خلٍ لقلبك يعلي = ابعد عنه لو كان بالراي صايب
دامه يدور ضيقتك ما يحلي = وظنيت به ظنٍ واثاريه خايب
تبي الصراحه خل حبه يولي = وابعد وقلبك من رجا الوصل طايب
مادام عايش بين هجر وتغلي = احذره لو قلبه من الود ذايب
وانا طويت الحب طوي السجلي = وماهي عجيبه دام وقتي عجايب
لا بو المحبه والعنا والتخلي = ولا بو زمانٍ شفت فيه الغرايب